സംസ്ഥാന ഭിന്നശേഷി അവാർഡ് ; ക്രൈസ്റ്റ് കോളേജിലെ തവനിഷിന്റെ സവിഷ്കാരക്ക് സംസ്ഥാന അംഗീകാരം
തൃശ്ശൂർ : കേരള സംസ്ഥാന ഭിന്നശേഷി പുരസ്കാരം ക്രൈസ്റ്റ് കോളേജിന്. ക്രൈസ്റ്റ് കോളേജിലെ സാമൂഹ്യ സേവന സംഘടനയായ തവനിഷിന്റെ നേതൃത്വത്തിൽ
ഭിന്നശേഷിക്കാർക്ക് സഹായമെത്തിക്കുന്നതിലും പുനരധിവാസത്തിലും മികച്ച പിന്തുണ നൽകുന്ന വിദ്യാഭ്യാസ സ്ഥാപനം എന്ന വിഭാഗത്തിലാണ് പുരസ്കാരം. സ്ഥാപനത്തിനകത്തും പുറത്തും ഉൾച്ചേർക്കൽ ഉറപ്പാക്കുന്ന രീതിയിൽ പിന്തുണ സേവനങ്ങൾ തവനിഷ് നൽകി വരുന്നു. അവബോധ രൂപീകരണ പ്രവർത്തനങ്ങളും മാതൃകാപരമായി ഏറ്റെടുത്തു നടത്തുന്നു.എട്ട് വർഷമായി തുടർച്ചയായി ഭിന്നശേഷി വിദ്യാർത്ഥികൾക്കായി സവിഷ്ക്കാര എന്ന പേരിൽ നടത്തിവരുന്ന കലാമേളയിൽ വിവിധ ജില്ലകളിൽ നിന്നുള്ള വിദ്യാർത്ഥികളും അധ്യാപകരും മാതാപിതാക്കളും പങ്കെടുക്കുകയും വിദ്യാർത്ഥികൾ കലാപ്രകടനങ്ങൾ നടത്തുന്നുണ്ട്. സവിഷ്കാരയ്ക്ക് പുറമേ, ഇഗ്നൈറ്റ്, ദർശനയുമായി സംഘടിപ്പിച്ചു നടത്തുന്ന പാരാ അതിലേറ്റിക് മീറ്റ്, വിവിധ ഭിന്നശേഷി പദ്ധതികളുമായി ചേർന്ന് നടപ്പാക്കുന്ന പ്രവർത്തനങ്ങൾ, കാട്ടൂർ ഗ്രാമപഞ്ചായത്തിലെ ‘ഉണർവ്’ പ്രൊജക്റ്റ്, ഭിന്നശേഷി വിദ്യാർത്ഥികൾക്കായി പഠനോപകരണ പഠനോപകരണങ്ങൾ, മൊബൈൽ ഫോൺ എന്നിവയുടെ വിതരണം, ഓണ സമ്മാനങ്ങൾ തുടങ്ങി ഒട്ടനവധി പ്രവർത്തനങ്ങൾ വളരെ കാര്യക്ഷമമായി തവനിഷ് നടത്തിവരുന്നു. ക്രൈസ്റ്റ് കോളേജിലെ എൻ. എസ്. എസ്,
സോഷ്യൽ വർക്ക് ഡിപ്പാർട്മെന്റ് ന്റെ സിഐഎഫ്ഡിഎ എന്നിവരും പ്രവർത്തനങ്ങൾക്ക് ഊർജ്ജം നൽകിയിട്ടുണ്ട്.
