പറപ്പൂക്കര ഫൊറോന തീർത്ഥാടന കേന്ദ്രത്തിലെ തിരുനാൾ മെയ് 15 , 16 തീയതികളിൽ
ഇരിങ്ങാലക്കുട : പറപ്പൂക്കര ഫൊറോന തീർത്ഥാടന കേന്ദ്രത്തിലെ വിശുദ്ധ ലോന മുത്തപ്പൻ്റെ തിരുനാൾ മെയ് 15, 16 തീയതികളിൽ ആഘോഷിക്കും . 15 ന് വൈകീട്ട് തിരുസ്വരൂപം രൂപക്കൂട്ടിൽ നിന്നിറക്കിൽ ചടങ്ങിനെ തുടർന്നുള്ള തിരുകർമ്മങ്ങൾക്ക് രൂപത ബിഷപ്പ് മാർ പോളി കണ്ണൂക്കാടൻ കാർമികത്വം വഹിക്കുമെന്ന് വികാരി ഫാ റാഫേൽ പഞ്ഞിക്കാരൻ പത്രസമ്മേളനത്തിൽ അറിയിച്ചു . രാത്രി 8 ന് മുടിയെഴുന്നള്ളിപ്പ് നടക്കും. 16 ന് രാവിലെ 10 ന് നടക്കുന്ന ആഘോഷമായ തിരുനാൾ പാട്ടുകുർബാനയ്ക്ക് ഫാ വിപിൻ കുരിശുതറ കാർമ്മികത്വം വഹിക്കും . വൈകീട്ട് മൂന്നിന് തിരുനാൾ പ്രദക്ഷിണവും 8.30 ന് ബാൻ്റ് വാദ്യഘോഷവും നടക്കും. ജനറൽ കൺവീനർ റെജിൻ പാലത്തിങ്കൽ, ട്രസ്റ്റിമാരായ ആൻ്റോ പുല്ലോക്കാരൻ, സിജോ പൊന്തോക്കൻ, സെക്രട്ടറി ജോൺ ചിറയത്ത്, ഡേവിഡ് എലുവത്തിങ്കൽ എന്നിവരും പത്ര സമ്മേളനത്തിൽ പങ്കെടുത്തു
