കാറ്റിലും മഴയിലും മേഖലയിൽ നഷ്ടങ്ങൾ; പതിനഞ്ചോളം കേന്ദ്രങ്ങളിൽ മരങ്ങൾ വീണ് വൈദ്യുതി ലൈനുകൾ തകർന്നു.
ഇരിങ്ങാലക്കുട : രണ്ട് ദിവസമായി തുടരുന്ന കാറ്റിലും മഴയിലും ഇരിങ്ങാലക്കുട മേഖലയിൽ നഷ്ടങ്ങൾ കാട്ടൂർ പൊഞ്ഞനത്ത് തെങ്ങ് വീണ് കോമരത്ത് ശ്രീകുമാറിൻ്റെ വീടിൻ്റെ മേൽക്കൂര തകർന്നു. ഇരിങ്ങാലക്കുടയിൽ കൂത്തുപറമ്പിൽ അമ്മപറമ്പിൽ രാജേഷിൻ്റെ മതിൽ തകർന്ന് അയൽവാസിയായ സുബ്രമണ്യൻ്റെ കിണറ്റിലേക്ക് വീണ് കിണർ ഉപയോഗശൂന്യമായിട്ടുണ്ട്. കാറ്റിൽ പ്ലാവ് വീണ് ഇരിങ്ങാലക്കുട നഗരസഭ പരിധിയിൽ കൊരുമ്പിശ്ശേരി പാറ ഭാഗത്ത് 11 കെവി ലൈൻ തകർന്ന് വൈദ്യുതി വിതരണം മുടങ്ങി. പതിനഞ്ചോളം കേന്ദ്രങ്ങളിൽ മരങ്ങൾ വീണ് വൈദ്യുതി ലൈനുകൾ തകർന്നു. ഇതേ തുടർന്ന് മുടങ്ങിയ വൈദ്യുതി വിതരണം ശനിയാഴ്ച വൈകുന്നേരത്തോടെ പുനസ്ഥാപിച്ചതായി കെഎസ്ഇബി വൃത്തങ്ങൾ അറിയിച്ചു.
Please follow and like us:
