രാസലഹരിക്കെതിരെ കൂട്ടയോട്ടം; സെൻ്റ് മേരീസ് ഹയർ സെക്കൻഡറി സ്കൂളിൻ്റെ രജതജൂബിലി ആഘോഷങ്ങൾക്ക് തുടക്കമായി
ഇരിങ്ങാലക്കുട : സെന്റ് മേരിസ് ഹയർ സെക്കണ്ടറി സ്കൂൾ രജത ജൂബിലി ആഘോഷങ്ങളോടനുബന്ധിച്ച് രാസലഹരിക്കെതിരെ നടത്തുന്ന കൂട്ടയോട്ടം സെന്റ് മേരിസ് ഹയർ സെക്കണ്ടറി സ്കൂൾ അങ്കണത്തിൽ വെച്ച് മുനിസിപ്പൽ ചെയർപേഴ്സൺ മേരിക്കുട്ടി ജോയ് കത്തിഡ്രൽ വികാരി റവ.ഡോ. ലാസർ കുറ്റിക്കാടൻ, എന്നിവർ അമേരിക്കൻ പോലിസ് ഓഫീസർ തോമസ് ഫ്രാങ്ക്ളിൻ റോക്കിന് പതാക കൈമാറി ഉദ്ഘാടനം ചെയ്തു. ചലച്ചിത്ര താരം ക്ലയർ സി.ജോൺ മുഖ്യാതിഥി ആയിരുന്നു.സ്കൂൾ പ്രിൻസിപ്പൽ ആൻസൻ ഡൊമിനിക്ക് പി അധ്യക്ഷത വഹിച്ച യോഗത്തിൽ പി.ടി.എ. പ്രസിഡന്റ് ഷാജു ജോസ് ചിറയത്ത്, കത്തിഡ്രൽ ട്രസ്റ്റി തോമസ് തൊകലത്ത്, ഫൈനാൻസ് കമ്മറ്റി ചെയർമാൻ ആന്റണി ജോൺ കണ്ടംകുളത്തി, കൺവീനർ ലിംസൺ ഊക്കൻ, പ്രോഗ്രാം കമ്മറ്റി കൺവീനർ ടെൽസൺ കോട്ടോളി, കുടുംബ സമ്മേളന കേന്ദ്ര സമിതി പ്രസിഡന്റ് ജോബി അക്കരക്കാരൻ, ജോമി ചേറ്റുപുഴക്കാരൻ എന്നിവർ പ്രസംഗിച്ചു. കത്തീഡ്രൽ പള്ളിയങ്കണത്തിൽ നിന്ന് സ്കൈറ്റിങ്ങ് കുട്ടികളും പതാകയേന്തിയ ഇരുപത്തിയഞ്ച് ബുള്ളറ്റുകളുടേയും അകമ്പടിയോടു കൂടി രാസലഹരിക്കെതിരേയും, സെന്റ് മേരിസ് ഹയർ സെക്കണ്ടറി സ്കൂളിന്റെ രജത ജൂബിലി വിളംബരമായും നടത്തിയ വാക്കത്തൺ ചന്തക്കുന്ന്, ചന്ദ്രിക ജംഗ്ഷൻ, മുനിസിപ്പൽ മൈതാനം പ്രൊവിഡൻസ് ഹൗസ്, ഠാണാ ചുറ്റി സ്കൂളിൽ സമാപിച്ചു.
