കേരള കോൺഗ്രസ് വേളൂക്കര മണ്ഡലം സമ്മേളനം ആഗസ്റ്റ് 30 ന്
ഇരിങ്ങാലക്കുട : കേരള കോൺഗ്രസ്സ് വേളൂക്കര മണ്ഡലം സമ്മേളനം ആഗസ്റ്റ് 30 ന് പഞ്ചായത്ത് കമ്മ്യൂണിറ്റി ഹാളിൽ നടക്കും. 3.30 ന് കേരള കോൺഗ്രസ് ഡെപ്യൂട്ടി ചെയർമാൻ ഡോ തോമസ് ഉണ്ണിയാടൻ സമ്മേളനം ഉദ്ഘാടനം ചെയ്യുമെന്ന് ജില്ലാ ജനറൽ സെക്രട്ടറി സിജോയ് തോമസ്, മണ്ഡലം പ്രസിഡൻ്റ് ജോൺസൻ കോക്കാട്ട് എന്നിവർ പത്ര സമ്മേളനത്തിൽ അറിയിച്ചു. സംസ്ഥാന , ജില്ലാ , നിയോജകമണ്ഡലം നേതാക്കൾ പങ്കെടുക്കും. മുതിർന്ന നേതാക്കളെയും വ്യത്യസ്ത തലങ്ങളിൽ പ്രാവീണ്യം തെളിയിച്ച വ്യക്തികളെയും ആദരിക്കും. മണ്ഡലം സീനിയർ വൈസ് പ്രസിഡൻ്റ് ജോൺസൺ തത്തംപിള്ളി, ഓഫീസ് ചാർജ് സെക്രട്ടറി ബിജു തത്തംപിള്ളി എന്നിവരും പത്രസമ്മേളനത്തിൽ പങ്കെടുത്തു.















