ഇരിങ്ങാലക്കുട മേഖലയിൽ വൈവിധ്യമാർന്ന പരിപാടികളോടെ കർഷക ദിനാചരണം.
ഇരിങ്ങാലക്കുട : ഇരിങ്ങാലക്കുട നഗരസഭയുടെയും കാർഷിക വികസന, കർഷക ക്ഷേമ വകുപ്പിന്റെയും സംയുക്താഭിമുഖ്യത്തിൽ സംഘടിപ്പിച്ച കർഷകദിനം ആചരിച്ചു. മാപ്രാണം ചാത്തൻമാസ്റ്റർ ഹാളിൽ നടന്ന പരിപാടി ഉന്നത വിദ്യാഭ്യാസ വകുപ്പ് മന്ത്രി ഡോ ആർ ബിന്ദു ഉദ്ഘാടനം ചെയ്തു. നഗരസഭ വൈസ്- ചെയർമാൻ ബൈജു കുറ്റിക്കാടൻ അധ്യക്ഷത വഹിച്ചു.
യോഗത്തിൽ മികച്ച സ്വകാര്യസ്ഥാപനത്തിനുള്ള സംസ്ഥാനതല അവാർഡ് ലഭിച്ച ക്രൈസ്റ്റ് കോളേജിനെയും നഗരസഭ പരിധിയിലെ മറ്റു കർഷകരെയും ആദരിച്ചു.സ്റ്റാൻഡിങ് കമ്മിറ്റി ചെയർപേഴ്സൺമാരായ ഫെനി എബിൻ വെള്ളാനിക്കാരൻ, സി.സി ഷിബിൻ, അംബിക പള്ളിപ്പുറത്ത്, ജെയ്സൺ പാറേക്കാടൻ, കൗൺസിലർമാരായ സി എം സാനി, കെ ആർ വിജയ, അൽഫോൻസാ തോമസ്, പി.ടി ജോർജ്, ഇരിങ്ങാലക്കുട നഗരസഭാ സെക്രട്ടറി എം എച്ച് ഷാജിക്, ഇരിങ്ങാലക്കുട കൃഷി അസിസ്റ്റന്റ് ഡയറക്ടർ ഹാജിദ റഹ്മാൻ, കാർഷിക വികസന സമിതി പ്രതിനിധി കെ.സി മോഹൻലാൽ, പാടശേഖരസമിതി സെക്രട്ടറി വേണു തോട്ടുങ്ങൽ, പ്രാദേശിക തല നിരീക്ഷണ സമിതി അംഗം ടി.വി രാമകൃഷ്ണൻ, കുടുംബശ്രീ സിഡിഎസ് ചെയർപേഴ്സൺ ഷൈലജ ബാലൻ, ഇരിങ്ങാലക്കുട കൃഷിഭവൻ അഗ്രികൾച്ചറൽ ഫീൽഡ് ഓഫീസർ അജിത് കുമാർ എം ആർ, പൊറത്തിശ്ശേരി കൃഷിഭവൻ കൃഷി ഓഫീസർ കെ.പി അഖിൽ എന്നിവർ പങ്കെടുത്തു.
