വാഹനാപകടത്തിൽ പരിക്കേറ്റ് ചികിത്സയിലായിരുന്ന കാട്ടൂർ പൊഞ്ഞനം സ്വദേശിയായ യുവാവ് മരിച്ചു…
ഇരിങ്ങാലക്കുട : വാഹനാപകടത്തിൽ പരിക്കേറ്റ് ചികിത്സയിലായിരുന്ന യുവാവ് മരിച്ചു. കാട്ടൂർ പൊഞ്ഞനം തെയ്യശ്ശേരി കൃഷ്ണൻ്റെ മകൻ രാഗേഷ് (40 വയസ്സ്) ആണ് മരിച്ചത്. ജൂലൈ 2 ന് വൈകീട്ട് നെടുമ്പുരയിൽ വച്ച് സുഹൃത്തുമൊന്നിച്ച് ബൈക്കിൽ വീട്ടിലേക്ക് മടങ്ങുമ്പോൾ കാറിൽ തട്ടിയായിരുന്നു അപകടം. ബൈക്കിൻ്റെ പുറകിൽ ഇരുന്നിരുന്ന രാഗേഷ് റോഡിലേക്ക് തെറിച്ച് വീഴുകയായിരുന്നു.മെഡിക്കൽ കോളേജിൽ ചികിൽസയിലായിരുന്ന രാഗേഷ് ഞായറാഴ്ച പുലർച്ചെയാണ് മരിച്ചത്. രാധയാണ് അമ്മ . കാവ്യ ഭാര്യയും വൈഗ, മിഗ എന്നിവർ മക്കളുമാണ്. സംസ്കാരം തിങ്കളാഴ്ച രാവിലെ 11 ന് ഇരിങ്ങാലക്കുട മുക്തിസ്ഥാനിൽ നടത്തും.
Please follow and like us:
