ഡോൺബോസ്കോ അഖില കേരള ഇൻ്റർസ്കൂൾ ബാസ്കറ്റ്ബോൾ ടൂർണ്ണമെൻ്റ്; വാഴക്കുളം കാർമ്മലും കോട്ടയം ലൂർദ്ദും കോഴിക്കോട് പ്രോവിഡൻസ് സ്കൂളും ജേതാക്കൾ.
ഇരിങ്ങാലക്കുട : ഇരിങ്ങാലക്കുട ഡോൺ ബോസ്കോ അഖില കേരള ഇൻ്റർ സ്കൂൾ ബാസ്കറ്റ്ബോൾ ടൂർണ്ണമെൻ്റിൽ ബോയ്സ് വിഭാഗത്തിൽ ഡിവിഷൻ ഒന്നിൽ വാഴക്കുളം കാർമ്മൽ പബ്ലിക് സ്കൂളും ഡിവിഷൻ രണ്ടിൽ കോട്ടയം ലൂർദ്ദ് പബ്ലിക് സ്കൂളും ജേതാക്കളായി. ഗേൾസ് വിഭാഗത്തിൽ കോഴിക്കോട് പ്രോവിഡൻസ് ജിഎച്ച്എസ്എസ് ജേതാതക്കളായി. കൊരട്ടി ലിറ്റിൽ ഫ്ലവർ സ്കൂൾ രണ്ടാം സ്ഥാനം നേടി. സമാപന ചടങ്ങിൽ മുൻ ദേശീയ ബാസ്ക്കറ്റ്ബോൾ താരം സിബിൻ തോമസ് മുഖ്യാതിഥിയായിരുന്നു.
കേരള ബാസ്ക്കറ്റ്ബോൾ അസോസിയേഷൻ വൈസ് പ്രസിഡൻ്റ് ഡോ. രാജു ഡേവിസ് പെരേപ്പാടൻ, സെക്രട്ടറി പി.സി ആൻ്റണി. ഡോൺ ബോസ്കോ ഹയർ സെക്കണ്ടറി സ്കൂൾ പ്രിൻസിപ്പാൾ ഫാദർ ഷിനോ കളപ്പുരയ്ക്കൽ , സ്കൂൾ മാനേജർ ഫാദർ ഇമ്മാനുവേൽ വട്ടക്കുന്നേൽ, അഡ്മിനിസ്ട്രേറ്റർ ഫാദർ ജിനോ കുഴിതൊട്ടിയിൽ, സെൻട്രൽ സ്കൂൾ പ്രിൻസിപ്പാൾ ഫാദർ ജിതിൻ മൈക്കിൾ, എൽ പി സ്കൂൾ ഹെഡ്മിസ്ട്രസ്സ് സിസ്റ്റർ ഓമന വി.പി, ബാസ്ക്കറ്റ്ബോൾ കോച്ച് പ്രേംകുമാർ ,സ്മിത രാജു, പി.പി ജോണി, സുധീർ തുടങ്ങിയവർ പങ്കെടുത്തു.















