കുന്നുകുളത്തെ പോലീസ് മർദ്ദനം; ജനകീയ പ്രതിഷേധ സദസ്സുകളുമായി കോൺഗ്രസ്സ് മണ്ഡലം കമ്മിറ്റികൾ.
ഇരിങ്ങാലക്കുട : കുന്നംകുളത്ത് പോലീസ് സ്റ്റേഷനിൽ മൃഗീയ മർദ്ദനത്തിനിരയായി കേൾവി ശക്തി നഷ്ടപ്പെട്ട യൂത്ത് കോൺഗ്രസ് നേതാവ് സുജിത്തിന് നീതി ലഭ്യമാക്കുക, മർദ്ദിച്ച പോലീസ് ഉദ്യോഗസ്ഥരെ സർവീസിൽ നിന്നും പിരിച്ചുവിടുക എന്നീ ആവശ്യങ്ങൾ ഉന്നയിച്ചുകൊണ്ട് ഇരിങ്ങാലക്കുട, പൊറത്തിശ്ശേരി കോൺഗ്രസ്സ് മണ്ഡലം കമ്മിറ്റികളുടെ നേതൃത്വത്തിൽ പ്രതിഷേധ സദസ്സ് സംഘടിപ്പിച്ചു.
കെപിസിസി മുൻ ജനറൽ സെക്രട്ടറി എം പി ജാക്സൻ പ്രതിഷേധ സദസ്സിൻ്റെ ഉദ്ഘാടനം നിർവഹിച്ചു. പൊറത്തിശ്ശേരി മണ്ഡലം പ്രസിഡന്റ് പി കെ ഭാസി അധ്യക്ഷത വഹിച്ചു ഇരിങ്ങാലക്കുട മണ്ഡലം പ്രസിഡന്റ് സി എസ് അബ്ദുൽ മാസ്റ്റർ , ഡിസിസി ജനറൽ സെക്രട്ടറിമാരായ ആന്റോ പെരുമ്പിള്ളി, സതീഷ് വിമലൻ , മുൻസിപ്പൽ ചെയർപേഴ്സൺ മേരിക്കുട്ടി ജോയ്, മുൻസിപ്പൽ വൈസ് പ്രസിഡണ്ട് ബൈജു കുറ്റിക്കാടൻ, മുൻ ബ്ലോക്ക് പ്രസിഡണ്ട് ടിവി ചാർലി, യൂത്ത് കോൺഗ്രസ് നിയോജകമണ്ഡലം പ്രസിഡന്റ് സനൽ കല്ലൂക്കാരൻ, ഐഎൻടിയുസി ബ്ലോക്ക് പ്രസിഡന്റ് പി ബി സത്യൻ, മണ്ഡലം സെക്രട്ടറി കുര്യൻ ജോസഫ് എന്നിവർ സംസാരിച്ചു.
കാട്ടൂർ, കാറളം, പടിയൂർ, പൂമംഗലം മണ്ഡലം കമ്മിറ്റികളുടെ ആഭിമുഖ്യത്തിൽ കാട്ടൂരിൽ നടന്ന പ്രതിഷേധ സദസ്സ് ഡിസിസി വൈസ് പ്രസിഡൻ്റ് അഡ്വ എം എസ് അനിൽ കുമാർ ഉദ്ഘാടനം ചെയ്തു. കാട്ടൂർ മണ്ഡലം പ്രസിഡൻ്റ് എ പി വിൽസൻ അധ്യക്ഷത വഹിച്ചു. എം ഐ അഷ്റഫ്, രാജലക്ഷ്മി കുറുമാത്ത്, ഷെറിൻ തേർമഠം, എ ഐ സിദ്ധാർത്ഥൻ, ശ്രീകുമാർ, ബാസ്റ്റ്യൻ ഫ്രാൻസിസ്, ജോമോൻ വലിയവീട്ടിൽ തുടങ്ങിയവർ സംസാരിച്ചു.
