ഇരിങ്ങാലക്കുട സെൻ്റ് ജോസഫ്സ് കോളേജിൽ സെപ്റ്റംബർ 27 ന് മെഗാ തൊഴിൽ മേള
ഇരിങ്ങാലക്കുട : ഇരിങ്ങാലക്കുട സെൻ്റ് ജോസഫ്സ് കോളേജിൽ തൃശ്ശൂർ ജില്ലാ എംപ്ലോയ്മെൻ്റ് എക്സ്ചേഞ്ച് ആൻ്റ് എംപ്ലോയബിലിറ്റി സെൻ്ററുമായി സഹകരിച്ച് മെഗാ തൊഴിൽ മേള സംഘടിപ്പിക്കുന്നു. സെപ്റ്റംബർ 27 ന് രാവിലെ 10 ന് നടക്കുന്ന തൊഴിൽ മേള ഉന്നത വിദ്യാഭ്യാസ വകുപ്പ് മന്ത്രി ഡോ ആർ ബിന്ദു ഉദ്ഘാടനം ചെയ്യും. ഐടി, ബാങ്കിംഗ്, ഫൈനാൻസ്, മാർക്കറ്റിംഗ്, ഓട്ടോമൊബൈൽ തുടങ്ങിയ മേഖലകളിൽ നിന്നായി 45 ഓളം ഉദ്യോഗദായകർ മേളയിൽ പങ്കെടുക്കുമെന്ന് കോളേജ് വൈസ്- പ്രിൻസിപ്പൽ സിസ്റ്റർ ഡോ വിജി എം ഒ , ജില്ലാ എംപ്ലോയ്മെൻ്റ് ഓഫീസർ ആർ അശോകൻ എന്നിവർ പത്രസമ്മേളനത്തിൽ അറിയിച്ചു. രണ്ടായിരത്തോളം ഒഴിവുകളാണ് റിപ്പോർട്ട് ചെയ്തിട്ടുള്ളത്. എംപ്ലോയ്മെൻ്റ് ഓഫീസർ ഷാജു ലോനപ്പൻ, പ്രൊഫ ജോസ് കുര്യാക്കോസ്, പ്രൊഫ നികിത സോമൻ എന്നിവരും പത്രസമ്മേളനത്തിൽ പങ്കെടുത്തു.
