വൈവിധ്യമാർന്ന പരിപാടികളോടെ മേഖലയിൽ റിപ്പബ്ലിക് ദിനാഘോഷം .
ഇരിങ്ങാലക്കുട: വൈവിധ്യമാർന്ന പരിപാടികളോടെ മേഖലയിൽ റിപ്പബ്ലിക് ദിനാഘോഷം . ഇരിങ്ങാലക്കുട നഗരസഭയുടെ നേതൃത്വത്തിൽ അയ്യങ്കാവ് മൈതാനത്ത് നടന്ന ചടങ്ങിൽ നഗരസഭ വൈസ് ചെയർമാൻ ചിന്ത ധർമ്മരാജൻ പതാക ഉയർത്തി. നഗരസഭ സ്റ്റാൻ്റിംഗ് കമ്മിറ്റി ചെയർമാൻമാർ, കൗൺസിലർമാർ, ഉദ്യോഗസ്ഥർ, ജീവനക്കാർ തുടങ്ങിയവർ പങ്കെടുത്തു. വൈകീട്ട് പട്ടണത്തിൽ നടന്ന റാലിയിൽ കുട്ടികൾ അടക്കം ഒട്ടേറെ പേർ പങ്കെടുത്തു.
ഇരിങ്ങാലക്കുട സിവിൽ സ്റ്റേഷൻ ആസ്ഥാനത്ത് നടന്ന ചടങ്ങിൽ ആർ ഡി ഒ പി ഷിബു പതാക ഉയർത്തി സന്ദേശം നൽകി. തഹസിൽദാർ കെ പി രമേശൻ, വകുപ്പ് മേധാവികൾ, ജീവനക്കാർ തുടങ്ങിയവർ പങ്കെടുത്തു.
നീഡ്സ് ഓഫീസ് അങ്കണത്തിൽ നടന്ന ചടങ്ങ് മുൻ സർക്കാർ ചീഫ് വിപ്പും നീഡ്സ് പ്രസിഡണ്ടുമായ തോമസ് ഉണ്ണിയാടൻ ഉദ്ഘാടനം ചെയ്തു. നീഡ്സ് വൈസ് പ്രസിഡണ്ട് പ്രൊഫ: ആർ. ജയറാം അധ്യക്ഷത വഹിച്ചു.അഡ്മിനിസ്ട്രേറ്റീവ് സെക്രട്ടറി ഗുലാം മുഹമ്മദ് മാസ്റ്റർ, റിനാസ് താണിക്കപറമ്പിൽ, ജോൺ ഗ്രേഷ്യസ്, പി ടി ആർ സമദ്, ഡോ. കൃഷ്ണൻ, ഷൗക്കത്തലി എന്നിവർ പ്രസംഗിച്ചു.
