സംസ്ഥാന മാസ്റ്റേഴ്സ് ഷട്ടിൽ ബാഡ്മിന്റൺ ചാമ്പ്യൻഷിപ്പിന് ഇരിങ്ങാലക്കുടയിൽ തുടക്കമായി
ഇരിങ്ങാലക്കുട : യോനക്സ്-സൺറൈസ് ജെയിൻ സെബി മെമ്മോറിയൽ കേരള സ്റ്റേറ്റ് മാസ്റ്റേഴ്സ് ഷട്ടിൽ ബാഡ്മിന്റൺ ചാമ്പ്യൻഷിപ്പിന് ഇരിങ്ങാലക്കുട ക്രൈസ്റ്റ് അക്വാട്ടിക് ഷട്ടിൽ അക്കാദമിയിൽ തുടക്കമായി.
തൃശൂർ ജില്ലാ സ്പോർട്സ് കൗൺസിൽ പ്രസിഡന്റ് സി. സുമേഷ് ചാമ്പ്യൻഷിപ്പ് ഉദ്ഘാടനം ചെയ്തു.ടിഡിബിഎസ്എ പ്രസിഡണ്ട് ബാബു മേച്ചേരിപ്പിടി അധ്യക്ഷത വഹിച്ചു. ജനറൽ കൺവീനർ പീറ്റർ ജോസഫ് ,കെ.ബി.എസ്.എ സെക്രട്ടറി മുഹമ്മദ് താരിഖ് , ക്രൈസ്റ്റ് വിദ്യാനികേതൻ പ്രിൻസിപ്പൽ ഫാ. ജോയ് ആലപ്പാട്ട് ,സ്പോർട്സ് കൗൺസിൽ വൈസ് പ്രസിഡന്റ് അഖിൽ അനിരുദ്ധൻ, കെ.ബി.എസ്.എ വൈസ് പ്രസിഡന്റ് ജോസ് സേവ്യർ, ടൂർണമെന്റ് റഫറി അനീഷ് തോമസ് മൂക്കൻ, എം.എൻ ഷാജി, ജോയ് പി.ഒ, ജോയ് കെ. ആന്റണി എന്നിവർ ചടങ്ങിൽ ട്രഷറർ ടോമി മാത്യു എന്നിവർ സംസാരിച്ചു. നാല് ദിവസം നീണ്ടുനിൽക്കുന്ന ആവേശകരമായ മത്സരങ്ങൾ ഞായറാഴ്ച ജനുവരി 18 ന് സമാപിക്കും.
