പഴയ വാഹനങ്ങളുടെ രജിസ്ട്രേഷൻ ഫീസ് കുത്തനെ ഉയർത്തിയ കേന്ദ്രസർക്കാർ നടപടി പിൻവലിക്കണമെന്ന് മോട്ടോർ തൊഴിലാളി യൂണിയൻ ഇരിങ്ങാലക്കുട മണ്ഡലം സമ്മേളനം
ഇരിങ്ങാലക്കുട : ഇരുപത് വർഷത്തിനുമേൽ പഴക്കമുള്ള വാഹനങ്ങളുടെ രജിസ്ട്രേഷൻ ഫീസ് കുത്തനെ വർദ്ധിപ്പിക്കാനുള്ള കേന്ദ്ര സർക്കാർ തീരുമാനം പിൻവലിക്കണമെന്ന് പ്രൈവറ്റ് മോട്ടോർ തൊഴിലാളി യൂണിയൻ എ ഐ ടി യുസി ഇരിങ്ങാലക്കുട മണ്ഡലം സമ്മേളനം. മണ്ഡലം സമ്മേളനം ജില്ലാ പ്രസിഡൻ്റ് ടി കെ സുധീഷ് ഉദ്ഘാടനം ചെയ്തു. മണ്ഡലം പ്രസിഡൻ്റ് റഷീദ് കാറളം അധ്യക്ഷത വഹിച്ചു .സിപിഐ മണ്ഡലം സെക്രട്ടറി എൻ കെ. ഉദയപ്രകാശ്,ബാബു ചിങ്ങാരത്ത്,മോഹനൻ വലിയാട്ടിൽ,കെ വി.രാമകൃഷ്ണൻ,കെ എസ്.പ്രസാദ്,ധനേഷ് എന്നിവർ സംസാരിച്ചു പുതിയ മണ്ഡലം ഭാരവാഹികളായി (വർദ്ധനൻ പുളിക്കൽ) പ്രസിഡന്റ്,ധനേഷ് എൻ ഡി (സെക്രട്ടറി) ,ബിനോയ് വി ടി.(ട്രഷറർ) എന്നിവരുൾപ്പെടെ 15 അംഗ കമ്മിറ്റിയെ സമ്മേളനം തിരഞ്ഞെടുത്തു
