പോലീസ് മർദ്ദനത്തിൽ പ്രതിഷേധിച്ച് ഇരിങ്ങാലക്കുട ഡിവൈഎസ്പി ഓഫീസിലേക്ക് ബിജെപി സൗത്ത് ജില്ലാ കമ്മിറ്റിയുടെ നേതൃത്വത്തിൽ മാർച്ച്
ഇരിങ്ങാലക്കുട : പിണറായി ഭരണത്തിലെ പോലീസ് ക്രൂരതയ്ക്കും അനാസ്ഥക്കുമെതിരെ ഇരിങ്ങാലക്കുട ഡി വൈ എസ് പി ഓഫിസിലേക്ക് ബിജെപി തൃശ്ശൂർ സൗത്ത് ജില്ല കമ്മിറ്റിയുടെ നേതൃത്വത്തിൽ പ്രതിഷേധ മാർച്ച് . പൂതംകുളം മൈതാനത്ത് നിന്നും ആരംഭിച്ച മാർച്ച് കാട്ടുങ്ങച്ചിറയിൽ പോലീസ് ബാരിക്കേഡുകൾ വച്ച് തടഞ്ഞു. ബിജെപി സംസ്ഥാന വൈസ് പ്രസിഡൻ്റ് അഡ്വ ബി ഗോപാലകൃഷ്ണൻ മാർച്ച് ഉദ്ഘാടനം ചെയ്തു.ബിജെപി സൗത്ത് ജില്ല ട്രഷറർ വിദ്യാസാഗർ അധ്യക്ഷത വഹിച്ചു.ജില്ല സെക്രട്ടറിമാരായ അഖിലാഷ് വിശ്വനാഥൻ സ്വാഗതവും, ശ്യാംജിമാടത്തിങ്കൽ നന്ദിയും പറഞ്ഞു. ജില്ല ജനറൽ സെക്രട്ടറി
കെ.പി ഉണ്ണികൃഷ്ണൻ, സംസ്ഥാന കമ്മിറ്റി അംഗം സന്തോഷ് ചെറാക്കുളം,
ജില്ലാ നേതാക്കളായ വിനിത ടിങ്കു,
റിമ പ്രകാശ്, സിബിൻ, സെൽവൻ മണക്കാട്ടുപടി, രാജേഷ് കൊട്ടാരത്തിൽ, വേണു മാസ്റ്റർ,
മണ്ഡലം പ്രസിഡന്റുമാരായ ആർച്ച അനീഷ്,
പി എസ് സുബീഷ് , കാർത്തിക സജയ്, ജനറൽ സെക്രട്ടറിമാരായ ഷൈജു കുറ്റിക്കാട്ട്, വി.സി.രമേഷ് രഞ്ചിത്ത് കെ.ആർ, ജിദിഷ് മോഹൻ ,
കെ എ മനോജ്,
കെ.ബി. അജയഘോഷ് എന്നിവർ നേതൃത്വം നൽകി.
