തളിയക്കോണത്ത് വച്ച് പോലീസ് ഉദ്യോഗസ്ഥൻ്റെ ഡ്യൂട്ടി തടസ്സപ്പെടുത്തിയ കേസിൽ നിരവധി ക്രിമിനൽക്കേസുകളിലെ പ്രതി അറസ്റ്റിൽ
ഇരിങ്ങാലക്കുട : തൃശ്ശൂർ റൂറൽ വനിതാ പോലീസ് സ്റ്റേഷനിലെ ഡ്രൈവർ സിവിൽ പോലീസ് ഓഫീസർ അഖിൽ.എം.ആർ ന്റെ ഔദ്യോഗിക ഡ്യൂട്ടി തടസ്സപ്പെടുത്തിയ കേസിലെ പ്രതിയായ എടത്തുരുത്തി പുളിഞ്ചോട് സ്വദേശി ചൂണ്ടയിൽ വീട്ടിൽ ധനേഷ് (42 ) അറസ്റ്റിൽ .
തൃശ്ശൂർ റൂറൽ വനിതാ പോലീസ് സ്റ്റേഷൻ ഇൻസ്പെക്ടർ ഇൻചാർജ് & സബ് ഇൻസ്പെക്ടർ സൗമ്യ.ഇയു, എ.എസ്.ഐ ജിജി എന്നിവരൊന്നിച്ച് കഴിഞ്ഞ ദിവസം ഉച്ചയ്ക്ക് തളിയക്കോണം എന്ന സ്ഥലത്ത് പരാതി അന്വേഷിക്കുന്നതിനായി പോവുകയും അവിടെ വച്ച് ധനേഷ് പൊതുസ്ഥലത്ത് ബഹളം വയ്ക്കുന്നതായി കണ്ട് എന്താണ് കാര്യമെന്ന് അന്വേഷിച്ചപ്പോഴാണ് ഇവരുടെ ജോലി തടസ്സപ്പെടുത്തിയത്.
ധനേഷ് കൈപ്പമംഗലം, മതിലകം, ചേർപ്പ്, കാട്ടൂർ, വലപ്പാട് പോലീസ് സ്റ്റേഷൻ പരിധികളിലായി വധശ്രമം, കവർച്ച, അടിപിടി, തുടങ്ങി ഇരുപത്തിയഞ്ച് ക്രിമിനൽക്കേസുകളിലെ പ്രതിയാണ്. ഇരിങ്ങാലക്കുട പോലീസ് സ്റ്റേഷൻ ഇൻസ്പെക്ടർ ഷാജൻ.എം.എസ്, സബ് ഇൻസ്പെക്ടർ കൃഷ്ണപ്രസാദ്.എം.ആർ, എസ്.സി.പി.ഒ രഞ്ജിത്ത്.എം.ആർ എന്നിവരാണ് അന്വേഷണ സംഘത്തിലുള്ളത്.
