വൈവിധ്യമാർന്ന പരിപാടികളോടെ മേഖലയിൽ സ്വാതന്ത്ര്യദിനാഘോഷം .
ഇരിങ്ങാലക്കുട : വൈവിധ്യമാർന്ന പരിപാടികളോടെ മേഖലയിൽ സ്വാതന്ത്യദിനാഘോഷം. ഇരിങ്ങാലക്കുട സിവിൽ സ്റ്റേഷൻ ആസ്ഥാനത്ത് നടന്ന ചടങ്ങിൽ ആർഡിഒ പി ഷിബു പതാക ഉയർത്തി. തഹസിൽദാർ സിമീഷ് സാഹു , വിവിധ വകുപ്പ് ഉദ്യോഗസ്ഥർ, ജീവനക്കാർ തുടങ്ങിയവർ പങ്കെടുത്തു. സ്വാതന്ത്ര്യദിനാഘോഷങ്ങളുടെ ഭാഗമായി ആദ്യമായി സിവിൽ സ്റ്റേഷൻ ഡേയും സംഘടിപ്പിച്ചിരുന്നു.
ഇരിങ്ങാലക്കുട നഗരസഭയുടെ ആഭിമുഖ്യത്തിൽ അയ്യങ്കാവ് മൈതാനത്ത് നടന്ന ചടങ്ങിൽ നഗരസഭ ചെയർപേഴ്സൺ മേരിക്കുട്ടി ജോയ് പതാക ഉയർത്തി. നഗരസഭ വൈസ് ചെയർമാൻ ബൈജു കുറ്റിക്കാടൻ, സ്റ്റാൻ്റിംഗ് കമ്മിറ്റി ചെയർമാൻമാർ, കൗൺസിലർമാർ, ഉദ്യോഗസ്ഥർ, ജീവനക്കാർ തുടങ്ങിയവർ പങ്കെടുത്തു.
Please follow and like us:
