ടൗൺ സഹകരണ ബാങ്കിലെ കോൺഗ്രസ്സ് ഭരണസമിതി രാജി വയ്ക്കണമെന്ന് ആവശ്യപ്പെട്ട് ബാങ്കിലേക്ക് ബിജെപി പ്രവർത്തകരുടെ മാർച്ചും ധർണ്ണയും
ഇരിങ്ങാലക്കുട : ക്രമക്കേടുകളുടെ പേരിൽ ടൗൺ സർവീസ് സഹകരണ ബാങ്കിൽ ആർബിഐ നിയന്ത്രണങ്ങൾ എർപ്പെടുത്തിയ പശ്ചാത്തലത്തിൽ ബാങ്ക് ഭരിക്കുന്ന കോൺഗ്രസ്സ് ഭരണസമിതി രാജി വയ്ക്കണമെന്ന് ആവശ്യപ്പെട്ട് ബാങ്കിലേക്ക് ബിജെപി പ്രവർത്തകരുടെ മാർച്ചും ധർണ്ണയും. നിക്ഷേപത്തുക നഷ്ടമാകാതിരിക്കാൻ നടപടികൾ എടുക്കണമെന്ന് മാർച്ച് ഉദ്ഘാടനം ചെയ്ത ബിജെപി സൗത്ത് ജില്ലാ ജനറൽ സെക്രട്ടറി കെ പി ഉണ്ണികൃഷ്ണൻ ആവശ്യപ്പെട്ടു. മണ്ഡലം പ്രസിഡണ്ട് ആർച്ച അനീഷ് അദ്ധ്യക്ഷത വഹിച്ചു.
ജില്ല ജന:സെക്രട്ടറി കൃപേഷ് ചെമ്മണ്ട, മണ്ഡലം സെക്രട്ടറി ഷാജു. ടി കെ എന്നിവർ സംസാരിച്ചു. മണ്ഡലം ജന:സെക്രട്ടറിമാരായ ഷൈജു കുറ്റിക്കാട് സ്വാഗതവും
വി.സി രമേഷ് നന്ദിയും പറഞ്ഞു. ജില്ലാ സെക്രട്ടറിമാരായ ശ്യാംജി,
വിപിൻ. പി.ജി,
അജീഷ് പൈക്കാട്ട്,
മണ്ഡലം ഭാരവാഹികളായ രമേഷ് അയ്യർ, സെബാസ്റ്റ്യൻ ചാലിശ്ശേരി, ജോജൻ കൊല്ലാട്ടിൽ, സൽഗു തറയിൽ ഏരിയ പ്രസിഡണ്ടുമാരായ
ലിഷോൺ ജോസ്, സൂരജ് കടുങ്ങാടൻ, നഗരസഭ കൗൺസിലർമാർ എന്നിവർ നേതൃത്വം നൽകി.
