കേന്ദ്രസർക്കാരിൻ്റെ തൊഴിലാളി വിരുദ്ധ നയങ്ങൾ ഉപേക്ഷിക്കണമെന്നും തൊഴിലാളി വിരുദ്ധ കോഡുകൾ പിൻവലിക്കണമെന്നും ശമ്പള പരിഷ്കരണ നടപടികൾ ആരംഭിക്കണമെന്നും ആവശ്യപ്പെട്ട് ഗസറ്റഡ് ജീവനക്കാരുടെ മാർച്ചും ധർണ്ണയും
ഇരിങ്ങാലക്കുട : കേന്ദ്ര സർക്കാരിൻ്റെ തൊഴിലാളി വിരുദ്ധ നയങ്ങൾ ഉപേക്ഷിക്കുക, തൊഴിലാളി വിരുദ്ധ കോഡുകൾ പിൻവലിക്കുക, ക്ഷാമബത്ത കുടിശ്ശിക അനുവദിക്കുക, ശമ്പള പരിഷ്കരണ നടപടികൾ ആരംഭിക്കുക തുടങ്ങിയ ആവശ്യങ്ങൾ ഉന്നയിച്ച് കേരള ഗസറ്റഡ് ഓഫീസേഴ്സ് അസോസിയേഷൻ ഇരിങ്ങാലക്കുട മേഖല കമ്മിറ്റിയുടെ നേതൃത്വത്തിൽ മാർച്ചും ധർണ്ണയും. കുട്ടംകുളം പരിസരത്ത് നിന്ന് ആരംഭിച്ച മാർച്ച് അയ്യങ്കാളി സ്ക്വയറിൽ സമാപിച്ചു. കെജിഒഎ സംസ്ഥാന കമ്മിറ്റി അംഗം ഡോ നിഷ എം ദാസ് ധർണ്ണ ഉദ്ഘാടനം ചെയ്തു. ജില്ലാ പ്രസിഡൻ്റ് രഹ്ന പി ആനന്ദ് അധ്യക്ഷത വഹിച്ചു. ഡോ ടി വി സതീശൻ, ദീപ ആൻ്റണി, റജീഷ് എം വി , സ്മിജിത് പി എ എന്നിവർ പ്രസംഗിച്ചു.
