ആളൂർ ഗ്രാമ പഞ്ചായത്ത്‌ ഗവ: ഹോമിയോപതി ഡിസ്പെൻസറിക്ക് ദേശീയ അംഗീകാരം
തൃശ്ശൂർ : ഭാരതീയ ചികിത്സാവകുപ്പിലെയും ഹോമിയോപ്പതി വകുപ്പിലെയും തിരഞ്ഞെടുക്കപ്പെട്ട 100 ആയുഷ് ആരോഗ്യ സ്വാസ്ഥ്യ കേന്ദ്രങ്ങൾക്ക് കൂടി എഎബിഎച്ച് എൻട്രി ലെവൽ അംഗീകാരം.ആരോഗ്യ സ്ഥാപനങ്ങള്‍ വിവിധ ഗുണമേന്മാ മാനദന്ധങ്ങള്‍ കൈവരിക്കുന്നതിന്റെ പൊതു അംഗീകാരമാണ് എന്‍.എ.ബി.എച്ച്. ആക്രഡിറ്റേഷനിലൂടെ ലഭിക്കുന്നത് .
അടിസ്ഥാന സൗകര്യ വികസനം, രോഗീസൗഹൃദം, രോഗീ സുരക്ഷ, ഔഷധ ഗുണമേന്മ, അണുബാധാ നിയന്ത്രണം എന്നിവയുള്‍പ്പെടെയുള്ള സേവന നിലവാരങ്ങളുടെ വിലയിരുത്തലുകളെ തുടര്‍ന്നാണ് എന്‍.എ.ബി.എച്ച്. അംഗീകാരം ലഭ്യമാകുന്നത്.ആളൂർ ഗ്രാമപഞ്ചായത്തിലെ ഹോമിയോ ഡിസ്പെൻസറി,ഹെൽത്ത് ആൻഡ് വെൽനസ് സെൻ്ററിനും എഎബിഎച്ച് എൻട്രി ലെവൽ സെർട്ടിഫിക്കേഷൻ ലഭിച്ചു.തിരുവനന്തപുരം ടാഗോർ തിയറ്ററിൽ നടന്ന ചടങ്ങിൽകേരള ആരോഗ്യ, ആയുഷ് ,വനിതാ-ശിശുക്ഷേമ വകുപ്പ് മന്ത്രി വീണാ ജോർജിൽ നിന്നും പഞ്ചായത്ത്‌ പ്രസിഡന്റ്‌ കെ ആർ ജോജോ, ഹോമിയോ ഡിസ്പെൻസറി മെഡിക്കൽ ഓഫീസർ ഡോ. മാനസ, വൈസ് പ്രസിഡന്റ്‌ രതി സുരേഷ്, വാർഡ് മെമ്പർ മാരായ ഓമന ജോർജ്, ഡിഎംഒ , ഡിപിഎം, ഫസിലിറ്റേറ്റർ എന്നിവർ ചേർന്ന് അവാർഡ് ഏറ്റു വാങ്ങി.
