” പാതിവഴി ” യും ” ഉമ ഒരു മനുഷ്യസ്ത്രീയും ” പ്രകാശനം ചെയ്തു.
ഇരിങ്ങാലക്കുട : പുരുഷ എഴുത്തുകാർ പോലും സ്ത്രീപക്ഷത്തുനിന്ന് ചിന്തിക്കുകയും സ്ത്രീകളുടെ സവിശേഷ പ്രശ്നങ്ങളെ അഭിസംബോധന ചെയ്യുന്ന രചനകൾ എഴുതുകയും ചെയ്യുന്നത് സമൂഹത്തിന്റെ ശുഭകരമായ മാറ്റത്തിന്റെ സൂചനയാണെന്ന് ഉന്നത വിദ്യാഭ്യാസ സാമൂഹിക നീതി വകുപ്പ് മന്ത്രി ആർ ബിന്ദു. അനുശ്രീ കൃഷ്ണനുണ്ണി എഴുതിയ കവിതാസമാഹാരം “പാതിവഴി”, ശങ്കർ രാമകൃഷ്ണൻ എഴുതിയ നോവൽ “ഉമ ഒരു മനുഷ്യ സ്ത്രീ” എന്നീ പുസ്തകങ്ങളുടെ പ്രകാശനം നിർവഹിച്ച് സംസാരിക്കുകയായിരുന്നു അവർ. ചടങ്ങിൽ കവിയും കഥാകൃത്തുമായ ബാലകൃഷ്ണൻ അഞ്ചത്ത് അധ്യക്ഷത വഹിച്ചു. പ്രതാപ് സിംഗ്, തൈക്കൂട്ടത്തിൽ രാമകൃഷ്ണൻ എന്നിവർ പുസ്തകങ്ങൾ ഏറ്റുവാങ്ങി. പ്രൊഫ സാവിത്രി ലക്ഷ്മണൻ, പി കെ ഭരതൻ മാസ്റ്റർ എന്നിവർ പുസ്തക പരിചയം നടത്തി. നഗരസഭ മുൻ ഹെൽത്ത് ഇൻസ്പെക്ടർ പി ആർ സ്റ്റാൻലി, ബിജു വർഗീസ്, കവികളായ വി വി ശ്രീല, പി എൻ സുനിൽ, അരുൺ ഗാന്ധിഗ്രാം എന്നിവർ സംസാരിച്ചു.
