ഓട്ടോറിക്ഷയുടെ ഫസ്റ്റ് എയ്ഡ് ബോക്സിൽ മദ്യം സൂക്ഷിച്ച് വില്പന നടത്തിയ കാരുമാത്ര സ്വദേശിയായ ഓട്ടോറിക്ഷ ഡ്രൈവർ അറസ്റ്റിൽ
ഇരിങ്ങാലക്കുട : ഓട്ടോറിക്ഷയുടെ ഫസ്റ്റ് എയ്ഡ് ബോക്സിൽ മദ്യം സൂക്ഷിച്ച് വില്പന നടത്തിയ ഓട്ടോറിക്ഷ ഡ്രൈവറായ ഇരിങ്ങാലക്കുട, കാരുമാത്ര വാത്തിയാട്ട് വീട്ടിൽ സുഗുണൻ (60 വയസ്സ്) എന്നയാളെ ഇരിങ്ങാലക്കുട പോലീസ് അറസ്റ്റ് ചെയ്തു. വാഹനവും കസ്റ്റഡിയിലെടുത്തു. ജൂലൈ 20 ന് ഉച്ചക്ക് കാരുമാത്ര സെന്ററിൽ പരിശോധന നടത്തുന്നതിനിടെയാണ് സുഗുണനെ ഇരിങ്ങാലക്കുട പോലീസ് പിടികൂടിയത്. ബോക്സിനകത്ത് ഒരു സഞ്ചിയിൽ 3.300 ലിറ്റർ മദ്യവും മദ്യം പകർത്താനായുള്ള ചില്ലു ഗ്ലാസുകളും പിടിച്ചെടുത്തു. ഇരിങ്ങാലക്കുട പോലീസ് സ്റ്റേഷൻ ഇൻസ്പെക്ടർ ഷാജൻ എം എസ്, സബ്ബ് ഇൻസ്പെക്ടർ സോജൻ ,എ എസ്ഐ ഗോപൻ, സിവിൽ പോലീസ് ഓഫീസർമാരായ സുമേഷ് , സുജിത്ത് എന്നിവർ ചേർന്നാണ് പ്രതിയെ പിടികൂടിയത്.
Please follow and like us:
