ഇരിങ്ങാലക്കുട : 2025 ലെ കാൻ ചലച്ചിത്രമേളയിൽ മികച്ച തിരക്കഥയ്ക്കുള്ള അവാർഡ് നേടിയ ബെൽജിയൻ ചിത്രം ” യങ് മതേഴ്‌സ് ” ഇരിങ്ങാലക്കുട ഫിലിം സൊസൈറ്റി ഏപ്രിൽ 24 വെള്ളിയാഴ്ച സ്‌ക്രീൻ ചെയ്യുന്നു. ബെൽജിയത്തിലെ മെറ്റേണിറ്റി ഷെൽട്ടറിൽ കഴിയുന്ന കൗമാരക്കാരികളായ അമ്മമാരുടെ അതിജീവനത്തിൻ്റെയും സൗഹൃദത്തിൻ്റെയും കഥയാണ് 106 മിനിറ്റുള്ള ചിത്രം പറയുന്നത്. മികച്ച വിദേശ ഭാഷാ ചിത്രത്തിനുള്ള അക്കാദമി അവാർഡിനായുള്ള ബെൽജിയൻ എൻട്രിയായും ചിത്രം തിരഞ്ഞെടുക്കപ്പെട്ടിരുന്നു. പ്രദർശനം റോട്ടറി ക്ലബ്ബ് മിനി എസി ഹാളിൽ വൈകീട്ട് 6 ന്

ഇരിങ്ങാലക്കുട : തദ്ദേശ തിരഞ്ഞെടുപ്പുമായി ബന്ധപ്പെട്ട കർശന സുരക്ഷാ പരിശോധനകൾക്കിടയിൽ തൃശ്ശൂർ റൂറൽ പോലീസിന് ലഭിച്ച രഹസ്യവിവരത്തിൻ്റെ അടിസ്ഥാനത്തിൽ ഇരിങ്ങാലക്കുട ഠാണാവിൽ നടത്തിയ പരിശോധനയിൽ കൊടുങ്ങല്ലൂർ എറിയാട് മാടവന സ്വദേശിയായ മഠത്തിപറമ്പിൽ വീട്ടിൽ ഫഹദ് (32 വയസ്സ്) എന്നയാളെ ചുമന്ന സ്വിഫ്റ്റ് കാറിൻ്റെ രഹസ്യ അറയിൽ ഒളിപ്പിച്ച് കടത്തുകയായിരുന്ന 245.72 ഗ്രാം അതി മാരക രാസലഹരിയായ എംഡിഎംഎ സഹിതം പിടികൂടി.

ഫഹദ് കൊടുങ്ങല്ലൂർ പോലീസ് സ്റ്റേഷനിൽ മദ്യലഹരിയിൽ മനുഷ്യജീവന് അപകടം വരത്തക്ക വിധം കാർ ഓടിച്ച കേസ്സിലെ പ്രതിയാണ്. കാർ പോലീസ് കസ്റ്റഡിയിൽ എടുത്തിട്ടുണ്ട്.

ഇരിങ്ങാലക്കുട : കൊടുങ്ങല്ലൂർ ശൃംഗപുരം പണിക്കശ്ശേരി വീട്ടിൽ മാടത്ത ഷാനു എന്ന് വിളിക്കുന്ന ഷാനു ( 46 വയസ്സ്) നെയാണ് ഇരിങ്ങാലക്കുട പോലീസ് അറസ്റ്റ് ചെയ്തത്.കരൂപ്പടന്ന പള്ളിനട സ്വദേശിയായ സൈനബയുടെ വീട്ടിൽ സാമ്പത്തിക ബുദ്ധിമുട്ട് നേരിട്ടപ്പോൾ ഇവരുടെ ഭർത്താവിന്റെ നിർദേശപ്രകാരരണ്ട് ലക്ഷം രൂപ ഷനിലിനോട് കടമായി ചോദിക്കുകയും, പതിനാറായിരം രൂപ മുൻകൂറായി പലിശ കുറച്ചതിന് ശേഷം സൈനബയുടെയും മകളുടെയും പാസ്പോർട്ടുകളും ഇവരുടെ രണ്ട് പേരുടെയും കൈയ്യിൽ നിന്ന് നാല് ചെക്ക് ലീഫുകളും ഈടായി കൈപറ്റിയതിന് ശേഷമാണ് ഷനിൽ ഒരു ലക്ഷത്തി എൺപത്തി നാലായിരം രൂപ നൽകിയത്. തുടർന്ന് കടമായി വാങ്ങിയ പണത്തിൽ ഒരു ലക്ഷത്തി അറുപത്തി നാലായിരം രൂപ ഷനിലിന് തിരികെ കൊടുത്ത ശേഷം സൈനബ വിദേശത്തേക്ക് ജോലിക്ക് പോകുന്നതിനായി പാസ്പോർട്ട് ആവശ്യപ്പെട്ടപ്പോൾ നൽകാതിരിക്കുകയും ഒരു ലക്ഷം രൂപ കൂടി നൽകിയില്ലെങ്കിൽ സൈനബയുടെയും മകളുടെയും പാസ്പോർട്ടും തിരികെ നൽകില്ലെന്നും ജീവിക്കാൻ അനുവദിക്കില്ലെന്നും പറഞ്ഞ് ഭീഷണിപ്പെടുത്തുകയായിരുന്നു.ഷനിൽ കൊടുങ്ങല്ലൂർ പോലീസ് സ്റ്റേഷൻ പരിധിയിൽ വധശ്രമം, കവർച്ച, അടിപിടി, ഭീഷണിപ്പെടുത്തൽ തുടങ്ങി 34 ക്രമിനൽ കേസുകളിലെ പ്രതിയും കൂടാതെ 2007 ൽ കാപ്പ നിയമ പ്രകാരം കരുതൽ തടങ്കലിൽ കഴിഞ്ഞിട്ടുള്ളയാളുമാണ്.ഇരിങ്ങാലക്കുട പോലീസ് സ്റ്റേഷൻ ഇൻസ്പെക്ടർ ഷാജൻ.എം.എസ്, സബ് ഇൻസ്പെക്ടർമാരായ ക്ലീറ്റസ്.സി.എം, സേവ്യർ.കെ.എ, പ്രസന്നകുമാർ, അസി. ഇൻസ്പെക്ടർ ഉമേഷ്.കെ.വി എന്നിരാണ് അന്വേഷണ സംഘത്തിലുള്ളത്.

ഇരിങ്ങാലക്കുട : കോണത്തുക്കുന്ന് മനക്കലപ്പടിയില്‍ കാര്‍ മരത്തിലിടിച്ച് മൂന്നു പേര്‍ക്ക് പരിക്ക്. ചെന്ത്രാപ്പിന്നി സ്വദേശി വലിയകത്ത് വീട്ടില്‍ ഷെറീഫ്(58), കോണത്തുക്കുന്ന് സ്വദേശികളായ അറക്കല്‍ വീട്ടില്‍ അഹമ്മദ് (73), ഭാര്യ കൊച്ചു ഖദീജ(63) എന്നിവര്‍ക്കാണ് പരിക്കേറ്റത്. വൈകീട്ട് അഞ്ച് മണിയോടെയാണ് അപകടം സംഭവിച്ചത്. വിവാഹ സൽക്കാരം കഴിഞ്ഞ് അഹമദിനെയും ഭാര്യ കൊച്ചു ഖദീജയെയും കോണത്തുക്കുന്നിലെ വീട്ടില്‍ കൊണ്ടുവിടുന്നതിനായി വരുമ്പോഴാണ് അപകടം സംഭവിച്ചത്. ഇരിങ്ങാലക്കുടയില്‍ നിന്നും വരികയായിരുന്ന കാര്‍ നിയന്ത്രണം വിട്ട് മരത്തില്‍ ഇടിക്കുകയാിരുന്നു. ഷെറീഫാണ് കാര്‍ ഓടിച്ചിരുന്നത്. പരിക്കേറ്റവരെ ഇരിങ്ങാലക്കുട സഹകരണ ആശുപത്രിയില്‍ പ്രവേശിച്ചുവെങ്കിലും മൂന്നു പേരെയും വിദഗ്ദ ചികില്‍സക്കായി തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഷെറീഫിനാണ് ഗുരുതര പരിക്കുകളുള്ളത്. ഇരിങ്ങാലക്കുട പോലീസ് മേല്‍ നടപടികള്‍ സ്വീകരിച്ചു.